3 香港又搞快閃賣機　今次到 HTC

過農曆年前 3 香港搞過幾次快閃賣機優惠，估唔到農曆年後繼續 Keep 住個勢，又再搞快閃賣機，而今次就到 HTC 出場。

3 香港於大年初六（2 月 13 日）再舉行「快閃淨機優惠」活動，上午 10 點 30 分起在銅鑼灣景隆街 3Shop，即可用 $1,998 優惠價選購 3GB RAM 版 HTC One A9 手機。呢部機原本定價 $4,498，而家足足平咗 $2,500，即使街價最平都係  $3,320，現在唔駛 $2,000 即可入手，想換新機的朋友就記得去排隊。